چین پاکستان اقتصادی راہداری منصوبہ دور حاضر کا سب سے اہم پہلو ہے. وزیر اعظم کا پہلی بین الاقوامی گوادر ایکسپو کی افتتاحی تقریب سےخطاب

281

 

 

اسلام آباد، جنوری 29(اے پی پی) وزیر اعظم شاہد خاقان عباسی نے کہا ہے کہ پاکستان اقتصادی راہداری منصوبہ دور  حاضر کا سب سے اہم پہلو ہے۔ انہوں نے کہا کہ یہ ممکنہ طورپر ہماری نسل اور بیلٹ  اور روڈ منصوبے کے سب سے زیادہ اہم حصہ کا سب سے اہم پہلو ہے، انہوں نے یہ بات آج گوادر میں گوادر بین الاقوامی گوادر ایکسپو کے افتتاحی تقریب  سے خطاب کرتے  ہوئے کہی۔

وزیر اعظم نے کہا کہ سی پیک، گوادر بندرگاہ، گوادر فری زون، ایکسپریس وے اور  گوادر میں دیگر منصوبے موٹر وے اور ہائی ویز کا تعلق براہراست عوام کو خوشحالی  عطا کریں گے۔

یاد رہے کہ پہلی بین الاقوامی گوادر ایکسپو آج سے شروع ہو گئی ہے۔ وزیراعظم شاہد  خاقان عباسی دو روزہ نمائش میں شریک ہیں ۔ نمائش میں غیر ملکی شخصیات، سفیر  اوردنیابھر سے تاجرنمائندے شریک ہیں۔ اس موقع پرگوادر فری زون کے پہلے حصے کا  افتتاح بھی ہوگا۔ فری زون کاپہلاحصہ ساٹھ ایکڑ پر مشتمل ہو گا۔ جو پاکستان چین  اقتصادی راہداری  کے گیٹ وے پر قائم کیاگیا ہے۔

گوادر فری زون کے افتتاح کے موقع پر ایکسپو دو ہزار اٹھارہ  کا مقصد گوادر بندرگاہ  اور گوادر فری زون کو ابھرتے ہوئے تجارتی مرکز کےطور پر اجاگر کرنا اور گوادر  کے منصوبوں سے پیدا ہونے والے مواقع سے متعلق آگاہی پیداکرنا بھی  ہے۔ یہ نمائش  سرمایہ کاری، روزگار کےمواقع میں اضافے اور تجارتی سرگرمیوں کے فروغ کیلئے  مقامی اور غیرملکی کاروباری شخصیات، سرمایہ کاروں اور سرکاری حکام کو ملاقات کا ایک پلیٹ فارم فراہم کرے گی جس سے اس بڑے منصوبے کے ثمرات سے استفادہ کیا جاسکے گا۔ نمائش کا اہتمام گوادر کے ترقیاتی ادارے اورچین کی بیرون ملک بندرگاہوں سے متعلق امور کی انتظامی کمپنی نے مشترکہ طور پر کیا ہے۔

اےپی پی/ حمزہ/فرح/وی این ایس اسلام آباد