پاک فضائیہ کے سربراہ کی ایشین جونئیرچیمپیئنز  کو مبارکباد   

11

 

اسلام آباد، اکتوبر9 (اے پی پی): پاک فضائیہ کے سربراہ ائیر چیف مارشل مجاہد انور خان نے منگل کے روز  ائیر ہیڈ کوارٹرز اسلام آباد میںمنعقدہ ایک تقریب کے دوران ایشین جونئیر انفرادی سکوا ش چیمپئین شپ میں تین گولڈ اور ایک سلور میڈل جیتنے والے پاکستانی سکواشپلئیرز کو ملک کے لئے اعزاز جیتنے پر مبارکباددی۔

ان پاکستانی سکواش پلئیرز نے پچھلے ماہ چنائی (بھارت) میں ہونے والی ایشین جونئیر انفرادی سکواش چیمپئین شپ میں شاندار کارکردگی کامظاہرہ کیا۔ حمزہ خان،حارث قاسم اور عباس زیب نے بالترتیب انڈر15،انڈر17اورانڈر19 میں سونے کے تمغے جیتے جبکہ انس علی نےانڈر13میں چاندی کا تمغہ حاصل کیا۔

پاک فضائیہ کے سربراہ جوکہ پاکستان سکواش فیڈریشن کے صدر بھی ہیں، نے نوجوان کھلاڑیوں کو پاکستان سکواش کا مستقبل قرار دیتےہوئے کہا کہ انہیں مزید محنت کرنی چاہیے تاکہ وہ ورلڈ جونئیر اوپن میں بہترین کارکردگی دکھاسکیں۔ انہوں نے ان نوجوان کھلاڑیوں کو بہترینٹریننگ اور کوچنگ فراہم کرنے پر پاکستان سکواش فیڈریشن کی کاوشوں کو سراہا۔ انہوں نے اس عزم کا اظہار کیا کہ پاک فضائیہ اورپاکستانسکواش فیڈریشن نوجوان کھلاڑیوں کو ہر ممکن معاونت فراہم کرتی رہے گی تا کہ وہ سکواش میں اپنا کھویا ہوا مقام حاصل کرسکیں۔ ائیرمارشل شاہد اختر علوی ،سنئیرنائب صدر پاکستان سکواش فیڈریشن بھی اس موقع پر موجود تھے۔

اے پی پی/برلاس/فواد

وی این ایس اسلام آباد