پاک عمان  انوسٹمنٹ  کمپنی دوطرفہ اقتصادی تعلقات کے فروغ میں سنگ میل کی حیثیت رکھتی ہے: وزیر خارجہ     

223

اسلام آباد،  30  جنوری  (اے پی پی):   وزیر خارجہ مخدوم شاہ محمود قریشی نے ایگزیکٹو پریزیڈنٹ ایس-آر-ایف  اور  چیئرمین پاک عمان انوسٹمنٹ کمپنی سے  ملاقات میں کہا ہے کہ  پاک عمان  انوسٹمنٹ  کمپنی دوطرفہ  اقتصادی  تعلقات کے فروغ میں سنگ میل کی حیثیت رکھتی ہے۔ عمان میں ہونے والی مشترکہ ملاقات میں پاکستان میں  سرمایہ  کاری اور تجارت کے بہترین  مواقعوں سمیت  دیگر باہمی دلچسپی کے امور پر تبادلہ خیال بھی کیا گیا۔

 چیئرمین پاک عمان انوسٹمنٹ کمپنی نے وزیر خارجہ کو دونوں ممالک میں معاشی ترقی کے حوالے سے پاک عمان  انوسٹمنٹ کمپنی کی کاوشوں پر تفصیلی بریفنگ دی۔ وزیر خارجہ مخدوم شاہ محمودقریشی نے کمپنی کی کارکردگی کو

 سراہتے ہوئے کہا کہ پاک عمان انوسٹمنٹ کمپنی کی بنیاد، جولائی 2001 میں عمان کے سلطان کی پاکستان آمد پر

دونوں حکومتوں کی باہمی مشاورت سے مشترکہ منصوبے کے طور پر رکھی گئی تھی۔

 وزیر خارجہ نے موجودہ حکومت کی سرمایہ کاری پالیسی کے حوالے سے گفتگو کرتے ہوئےکہا کہ پاکستان اب تبدیل ہو چکا ہے  پاکستان تحریک انصاف کی حکومت بیرونی سرمایہ کاروں کو بہترین سہولیات مہیا کرنے کے لیے پر عزم ہے تاکہ

انہیں پاکستان میں کاروبار کرنے کے لیے کوئی مشکل پیش نہ آئے۔

وزیر خارجہ مخدوم شاہ محمود قریشی نے ایگزیکٹو پریزیڈنٹ ایس-آر-ایف  اور چیئرمین پاک  عمان انوسٹمنٹ کمپنی  کو مشترکہ طور پر دورہ پاکستان کی دعوت بھی دی جو انہوں نے شکریہ کے ساتھ قبول کی۔  ان کا دورہ پاکستان  2019 کی پہلی سہ ماہی میں متوقع ہے۔

اے پی پی/ حمزہ رحمٰن/رضوان

وی این ایس اسلام آباد