اسلام آباد، 19 دسمبر ( اے پی پی): صدر ڈاکٹر عارف علوی نے کہا ہے کہ اچھے معاشروں میں بچوں کی تعلیم و تربیت اہمیت رکھتی ہے۔ صدر مملکت نے یہ بات آج کیڈٹ کالج حسن ابدال میں سالانہ یوم والدین کی تقریب سے خطاب کرتے ہوۓ کہی۔ صدر نے حصول تعلیم کے حوالے سے بات کرتے ہوۓ کہا کہ ماضی میں تعلیم ایک مشن کی حیثیت رکھتی تھی۔ انہوں نے کہا کہ تعلیم کا فروغ معاشرے کے تمام طبقات کی ذمہ داری ہے۔ طلباء محنت کر کے تمام شعبوں میں آگے بڑھیں۔ والدین اور اساتذہ بچوں کو صبر و تحمل اور افہام و تفہیم کی تربیت بھی دیں۔ صدر نے کہا کہ نبی ﷺنے خواتین کو جو حقوق دئیے انہیں یقینی بنائیں گےوراثت میں خواتین کو حقوق دیکر ہی برابر کا شہری بنایا جا سکتا ہے۔
انہوں نے کہا کہ حکومت تعلیم کے فروغ کیلئے ہر ممکن کاوشیں کر رہی ہے۔ ایمان، اتحاد اور تنظیم بحیثیت قوم ہمارے لیے کامیابی کے اصول ہیں۔ نوجوان اپنی بھر پور صلاحیتوں سے ملک کو ترقی کے راستے پر گامزن کرنے کیلئے کردار ادا کریں اور ثابت کریں کہ ہم محنتی قوم ہیں اور عالمی برادری میں پاکستان کی عظمت بحال کریں۔
کیڈٹ کالج حسن ابدال کی انتظامیہ کی جانب سے بہتر تعلیمی سہولیات کی فراہمی کے سلسلے میں کی گئی کوششوں کو سراہتے صدر مملکت نے کہا کہ کالج میں طلباء کیلئے سہولتیں دیکھ کرخوشی ہوئی۔
اےپی پی /حمزہ /ریحانہ
وی این ایس اسلام آباد
