اسلام آباد، 08 جنوری (اے پی پی): ڈی جی عالمی ادارہ صحت (ڈبلیو ایچ او) ڈاکٹر ٹیڈروس نے آج وزارت خارجہ میں وزیر خارجہ مخدوم شاہ محمود قریشی سے ملاقات کی۔ عالمی ادارہ صحت کے ایشیا کے ریجنل ڈائریکٹر ڈاکٹر احمد المدھاری اور ملیڈا گیٹس فاؤنڈیشن کے صدر ڈاکٹر کرسٹوفر ایلیس بھی ان کے ہمراہ تھے۔
ملاقات میں پاکستان میں پولیو کے خاتمے، اور اب تک حاصل کیے گئے اہداف سمیت دیگر باہمی دلچسپی کے امور پر تبادلہ خیال کیا گیا۔
وزیر خارجہ مخدوم شاہ محمود قریشی نے اس موقع پر پاکستان میں پولیو وائرس سے نمٹنے کے لئے ڈبلیو ایچ او کی خدمات کو سراہا۔
ڈاکٹر ٹیڈروس نے ملاقات میں صحت کے شعبے میں پاکستان کے ساتھ بھرپور تعاون جاری رکھنے کی یقین دہانی کرائی۔
اے پی پی/حمزہ رحمان /نیوذڈیسک
وی این ایس اسلام آباد
