اسلام آباد ، 14فروری (اے پی پی): پاکستان اسٹاک ایکسچینج میں آج کاروباری ہفتے کے چوتھے روز کاروبار میں منفی رجحان دیکھنے میں آیا اور ہنڈرڈ انڈیکس 54.12 پوائنٹس کی کمی کے ساتھ 40489.99 پوائنٹس پر بند ہوا۔
بازار حصص میں کاروبار کا آغاز مثبت رجحان سے ہوا ۔ کاروبار کے آغاز پر ہنڈرڈ انڈیکس 40 ہزار 544 پوائنٹس پر ٹریڈ کررہا تھا۔ ابتدا میں ہی انڈیکس میں18 پوائنٹس تک کا اضافہ ہوا جس سے انڈیکس 40 ہزار 562 پوائنٹس پر چلا گیا۔ اس کے بعد مارکیٹ میں کمی کا رجحان نظر آیا او ر پہلے سیشن میں ہی ایک وقت میں انڈیکس میں پہلے 51 اور پھر 226 پوائنٹس تک کی کمی ہوئی جس سے انڈیکس 40 ہزار 18 پوائنٹس پر چلا گیا ۔ پہلے سیشن میں زیادہ تر مارکیٹ منفی زون میں ہی ٹریڈ کرتی رہی ۔
دوسرے سیشن میں بھی کاروبار کا آغاز منفی رجحان سے ہو ا اور انڈیکس میں 162پوائنٹس تک کی کمی ہوئی اور انڈیکس 40 ہزار 381 پوائنٹس پر چلا گیا ۔ اس کے بعد مارکیٹ میں استحکام دیکھنے میں آیا، مارکیٹ مثبت زون میں داخل ہو گئی اور انڈیکس میں 41پوائنٹس تک کا اضافہ ہوا جس کے بعد انڈیکس 40ہزار 585 پوائنٹس پر پہنچ گیا لیکن یہ اضافہ لمحاتی ثابت ہوا اور انڈیکس ایک بار پھر منفی ٹریڈنگ کرنے لگا اس کے بعد کاروبار کے اختتام تک مارکیٹ میں مندی کا سلسلہ جاری رہا اور انڈیکس کا اختتام بھی54.12 کی کمی کے ساتھ ہوا۔
آج کے ایس ای 30 انڈیکس میں 5.34 پوائنٹس کی کمی ہوئی جس کے بعد30 انڈیکس 19,430.57 پوائنٹس جبکہ کے ایس ای آل شیئرز انڈیکس 53.19 پوائنٹس کی کمی کے ساتھ29,322.18 پوائنٹس پر بند ہوا۔
مارکیٹ میں آج 12 کروڑ29 لاکھ سے زائد شیئرزکا کاروبار 06ارب 22کروڑ روپے سے زائد میں ہوا جبکہ آج کاروبار کے لحاظ سے لوٹے کیمیکل، ڈی جی کے اور فوجی سیمنٹ سرفہرست رہے۔
اے پی پی / سعیدہ /نائلہ
وی این ایس اسلام آباد
