قومی سورس، وی این ایس وزیراعظم سمیت کابینہ اورہر عام شہری پر قانون یکساں لاگو ہے، کسی کو قانون ہاتھ میں لینےکی اجازت نہیں: شہریار آفریدی اسلام آباد، مارچ 21 (اے پی پی): وزیر مملکت برائے داخلہ شہریار آفریدی نے کہا ہے کہ قانون وزیراعظم سمیت کابینہ اور عام شہریوں پر بھی لاگو ہے، کسی کو قانون ہاتھ میں لینےکی اجازت نہیں دی جائے گی۔ جمعرات کے روز پریس کانفرنس سے خطاب میں شہریارآفریدی نے پی پی پی کے احتجاج پر تبصرہ کرتے ہوئے کہا کہ پیپلز پارٹی کے قائدین کی نیب حا ضری کے موقع پر جو ہوا، قوم اس کی گواہ ہے، چاہےوہ پلاننگ تھی یا نہیں، کیمرے کی آنکھ سے کوئی چیز نہیں چھپ سکتی۔انھوں نے مزید کہا کہ کبھی ہماری طرف سے ناانصافی نہیں ہوگی، تمام سیاسی جماعتوں کو سنجیدگی سے معاملات دیکھنے کی ضرورت ہے، پاکستان پرففتھ جنریشن وار مسلط کی گئی ہے، نیشنل ایکشن پلان پرتمام سیاسی جماعتوں نےاتفاق کیا۔ شہریارآفریدی نے کہا کہ پیپلزپارٹی کے کارکنوں نے کل جو کیا وہ کیمرے نے محفوظ کرلیا، ہم نےکل ہرایک کواجازت دی، لیکن کچھ ایس اوپی کو کوئی نظراندازنہیں کرسکتا۔ ان کا مزید کہنا تھا کہ آئین وقانون کے خلاف کوئی بھی جائے گا حکومت ایکشن لے گی، اگر ہم کہیں جائیں گے یا عدالتوں میں پیش ہونگے تو کیا ہم ساتھ میں لوگ اور کارکن لے کر جائیں گے۔ انھوں نے کہاکہ بھارت سے کشیدگی پرہماری آواز پوری دنیا میں سنی گئی، حکومت کی سنجیدگی کو وقت ثابت کرے گا۔ اے پی پی/وسیم(17:48)/ریحانہ(18:02)