اسلام آباد، 17 مارچ (اے پی پی): وزیر خارجہ مخدوم شاہ محمود قریشی نے تین روزہ دورے پر چین روانگی سے قبل میڈیا سے گفتگو کرتے ہوئے کہا کہ آج میں سرکاری دورے پر چین روانہ ہو رہا ہوں، وہاں میرے چینی وزیر خارجہ کے ساتھ اسٹریٹیجک ڈائیلاگ ہوں گے، وزیر خارجہ کی سطح پر پاک چین ڈائلاپگ کا انعقاد پہلی مرتبہ ہو رہا ہے۔
انہوں نے کہا کہ چین نہ صرف پاکستان کا بہترین دوست ہے بلکہ ہر مشکل وقت میں چین نے پاکستان کا ساتھ دیا ہے اور چین کا حالیہ فیصلہ بھی آپ کے سامنے ہے ۔
انہوں نے مزیدکہاکہ اس دورے میں چین کی قیادت سے ملاقاتیں ہونگی اور چین میں تھنک ٹینک گروپ کے ساتھ بھی رابطہ ہوگا اور وہاں میڈیا کے ساتھ بھی گفت و شنید ہو گی۔
وی این ایس اسلام آباد
