اسلام آباد، 25 مارچ (اے پی پی): چیف آف دی نیول اسٹاف ایڈمرل ظفر محمود عباسی نے کہا ہے کہ ہمیں اس بات پر کامل یقین ہونا چاہیے کہ ہمارے لیے اللہ ہی کافی ہے اور وہی بڑا کارساز ہے، کردار کی پختگی کے ساتھ ساتھ حربی مہارتوں کو یقینی بنانابھی ہماری ذمہ داری ہے ۔
ترجمان پاک بحریہ کے مطابق چیف آف دی نیول اسٹاف ایڈمرل ظفر محمود عباسی نے بحریہ کے سی پی اوز، سیلرز اور سویلینز کے لیے اسلام آباد اوپن فورم میں شرکت کی، اوپن فورم میں پاک بحریہ میں فلاح و بہبود کے لیے کیے جانے والے اقدامات اور جاری منصوبوں کے حوالے سے بریفنگ دی گئی اور اوپن فورم میں امیر البحر نے سی پی اوز، سیلرز اور سویلینز کی جانب سے پوچھے گئے سوالات کے سیر حاصل جوابات دیے۔
نیول چیف نے حالیہ کشیدگی کے دوران پاک بحریہ کے آفیسرز اور اور جوانوں کے اعلیٰ جذبہ اور پیشہ ورانہ مہارتوں کی تعریف کی۔
وی این ایس اسلام آباد
