اسلام آباد، 05 اپریل (اے پی پی): وزیر اعظم عمران خان سے اسپیکر قومی اسمبلی اسد قیصرنے یہاں وزیر اعظم آفس میں ملاقات کی ۔ملاقات میں قومی اسمبلی کے اجلاس کے دوران ماحول کو بہتر بنانے پر اورقانون سازی سے متعلقہ امور پر تبادلہ خیال کیا گیا۔
وزیر اعظم نے قومی اسمبلی کی زرعی اجناس پر خصوصی کمیٹی کے قیام کو سراہا اور کہا کہ کمیٹی کے قیام سے کاشتکاروں کے مسائل کے حل تلاش کرنے میں مدد ملے گی۔
اسپیکر قومی اسمبلی نے کہا کہ معذور افراد کو تعلیم اور ملازمتوں کے یکساں مواقع فراہم کرنے کے لیے بھی قانون سازی کی جائے گی۔
سورس: وی این ایس اسلام آباد
