اسلام آباد ، 21 جون ( اے پی پی ): : معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ اپنی کابینہ کے سابق رکن اور ایم این اے علی محمد مہر کے انتقال پر ان کے اہل خانہ سے تعزیت کرنے پر وزیراعظم پاکستان کو جاری کردہ شوکاز نوٹس کسی تعجب سے کم نہیں ہے۔
اے پی پی خصوصی گفتگو کرتے ہوئے معاون خصوصی کا کہنا تھا کہ وزیر اعظم نے وہاں میڈیا سے کوئی گفتگو کی نہ ہی روایتی سیاستدانوں کی طرح ترقیاتی منصوبوں کا اعلان
کیا ۔ ان کا کہنا تھا کہ وزیر اعظم عمران خان کا وژن ہے کہ ادارے خود مختار ہوں اور قانون کی حکمرانی ہو ۔
ڈاکٹر فردوس عاشق اعوان نے الیکشن کمیشن کی بے ضابطگیوں کے حوالے سے خاموشی پر سوال اٹھاتے ہوئے کہا کہ ہے سندھ حکومت سرکاری وسائل کا بے دریغ استعمال کرتے ہوئے انتخاب سے قبل دھاندلیوں میں ملوث ہے۔ سندھ حکومت کے وزراء کی انتخابی مہم کے لیے باقاعدہ ڈیوٹیاں لگائی گئی ہیں۔اس کے علاوہ سینکڑوں کی تعداد میں نوکریاں، وزیراعلی سندھ کی طرف سے پیکیج اور ترقیاتی منصوبوں کے اعلان بھی کیے گئے ہیں۔ انہوں نے کہا کہ ایک جانب سندھ حکومت کے وزراء الیکشن کمیشن کے قواعد و ضوابط کی دھجیاں اڑا رہے ہیں تو دوسری طرف پیپلز پارٹی کے امیدوار سندھ پولیس کے پروٹوکول میں اپنی انتخابی مہم بھی چلا رہے ہیں ۔
وی این ایس اسلام آباد
