پاکستان کو بجٹ  خسارہ  کم کرنے  کیلئے  ٹیکس  وصولی  کے نظام  کو  مزید  بہتر  کرنا ہو گا:آئی  ایم ایف وفد کی قائمہ کمیٹی   کو بریفنگ

0
43

اسلام آباد، 17 ستمبر(اے پی پی ):عالمی  مالیاتی  فنڈ کے وسطی ایشیاء  کے  ڈائریکٹر  جہادازعور نے اپنے وفد  کے ہمراہ  پارلیمنٹ ہاوس میں قومی اسمبلی  کی قائمہ کمیٹی  برائے  خزانہ  و ریونیو کو پاکستان کی موجودہ  معاشی  صورتحال پر بریف کرتے ہوئے بتایا ہے  کہ حکومت پاکستان کو بجٹ  خسارہ  کم کرنے  کیلئے  ٹیکس  وصولی  کے نظام  کو  مزید  بہتر  کرنا ہو گا اور نئی مالیاتی  پالیسی کے تحت   کارکردگی  کو بہتر کرنا  ہو گا۔

چئیرمین  قائمہ کمیٹی  خزانہ  و ریونیو اسد عمر  کی  سربراہی  میں منعقد ہونے  والے اجلاس  میں آئی ایم ایف  کے سربراہ نے بتایا کہ  آئی ایم ایف   بورڈ لون پروگرام  کے تحت  پاکستان  کیلئے بیل آوٹ پیکچ  کے تحت  6 بلین امریکی ڈالرز کی منظوری  دے  چکا ہے  جو کہ آئندہ 3 سالوں  میں مرحلہ وار فراہم  کیے جائیں  گے اور اس دوران آئی ایم ایف  پاکستانی حکومت  کو معاشی  کارکردگی  بہتر کرنے  کے حوالہ سے  رہنمائی بھی  کر ے گا۔آئی ایم ایف   نے کمیٹی کو پاکستان میں  معاشی  ترقی  کیلئے  سرمایہ کاری  کے مختلف ماڈلز سے استعفادہ  کرنے اور معاشی  بحران  سے نکلنے   کیلئے تجاویز سے آگاہ کیا۔

اے پی پی /منیر/حامد