سری لنکن چیف آف  ڈیفنس اسٹاف کی پاک فضائیہ کے سربراہ سے ملاقات، دو طرفہ پیشہ وارانہ تعلقات کو نئی جہت دینے پر اتفاق

0
84

اسلام آباد05نومبر (اے پی پی): سری لنکا کے چیف آف ڈیفنس اسٹاف ایڈمرل راویندرا وجے گنا رتنے نے  آج

ائیر ہیڈ کوارٹرز اسلام آباد  میں پاک فضائیہ کے سربراہ ائیر چیف مارشل مجاہد انور خان  سے ملاقات  کی ہے ۔  دونوں معزز شخصیات نے پیشہ وارانہ دلچسپی کے امور پر گفتگو کی  اور  دونوں فضائی افواج کے مابین  موجود باہمی تعاون پر اطمینان کا اظہار کیا۔

سری لنکن چیف آف ڈیفنس اسٹاف  نے دو طرفہ پیشہ وارانہ تعلقات کو نئی جہت دینے پر اتفاق کیا جبکہ  ائیر چیف نے سری لنکن چیف آف ڈیفنس اسٹاف کو تکنیکی تربیت اور پیشہ وارانہ مہارت کے شعبوں میں مکمل تعاون کا یقین دلایا۔

قبل ازیں سری لنکن  چیف آف ڈیفنس اسٹاف کی ائیر ہیڈ کوارٹرز آمد پر پاک فضائیہ کے ایک چاق وچوبند دستے نے انہیں گارڈ آف آنر پیش کیا۔ معزز مہمان نے پاک فضائیہ کے شہداء کو خراجِ عقیدت پیش کرنے کے لئے ائیر ہیڈ کوارٹرز میں  یاد گارِ شہداء  پر پھولوں کی چادر بھی  چڑھائی۔

وی  این ایس ،اسلام آباد

Download video