اسلام آباد ، 20 جنوری (اے پی پی): وزیراعظم عمران خان سے آزاد جموں و کشمیر کے سابق صدر سردار سکندر حیات خان اور سابق وزیراعظم بیرسٹر سلطان محمود چوہدری نے پیر کو یہاں ملاقات کی۔
ملاقات میں مقبوضہ جموں وکشمیر کے مظلوم عوام سے یکجہتی کے اظہار کےلئے 5 فروری کو یوم یکجہتی کشمیر بھرپور انداز سے منانے کے حوالے سے تیاریوں پر گفتگو سمیت آزاد جموں و کشمیر کے سیاسی اور ترقیاتی منصوبوں سے متعلق امور پر تبادلہ خیال کیا گیا۔
ملاقات میں سردار سکندر حیات خان نے وزیراعظم عمران خان کو دنیا بھر میں مسئلہ کشمیر کو بھرپور اور موثر انداز میں اجاگر کرنے پر خراج تحسین پیش کیا اور وزیراعظم عمران خان کی قیادت پر بھرپور اعتماد کا اظہار بھی کیا۔
وی این ایس ، اسلام آباد
