سکھر،17فروری(اے پی پی):ملک کے دیگر شہروں کی طرح سکھر میں بھی پولیو مہم کا آغاز کردیا گیا ہے ،محکمہ صحت کی جانب سے تشکیل دی گئی ٹیموں نے خارجی اور داخلی راستوں اور گھر گھر جاکر بچوں کو پولیو کے قطرے پلانے کا کام شروع کردیا ہے۔
اس موقع پر ڈسٹرکٹ ہیلتھ آفیسر سکھر ڈاکٹر منیر احمد منگریو نے بتایا کہ ضلع میں شروع کردہ پانچ روزہ مہم کے دوران 2 لاکھ 42 ہزار 242 بچوں کو پولیو کے قطرے پلائے جائیں گے جس کے لیے 1036 موبائل و فکس ٹیمیں تشکیل دی گئی ہیں جبکہ محکمہ صحت اور روینیو کے افسران اس مہم کی نگرانی کررہے ہیں۔انہوں نے کہا کہ ہماری بھرپور کوشش ہوگی کہ ضلع میں کوئی بھی بچہ پولیو کے قطرے پینے سے محروم نہ رہ جائے۔
وی این ایس ، سکھر
