راولپنڈی ، 18 فروری (اے پی پی ): پاکستان نے 600 کلو میٹر کی رینج کے حامل ائیر لانچڈ کروز میزائل “رعد۔ ” دو(11) کا کامیاب فلائٹ تجربہ کر لیا ۔
آئی ایس پی آر کے مطابق “رعد دوم”، 600 کلومیٹر کی رینج کے ساتھ زمین اور سمندر میں اسٹریٹجک صلاحیت کا حامل اور ہتھیاروں کے جدید ترین رہنمائی اور نیویگیشن نظام کے ساتھ لیس ہے جو اپنےاہداف کو ٹھیک ٹھیک نشانہ بنانے کو یقینی بناتا ہے۔
لیفٹیننٹ جنرل ندیم ذکی منج ، ڈائریکٹر جنرل اسٹریٹجک پلانز ڈویژن ، ڈاکٹر نبیل حیات ملک ، چیئرمین نیسکام ، اسٹریٹجک پلانز ڈویژن ، اسٹریٹجک فورسز اور اسٹریٹجک آرگنائزیشن کے سینئر افسران نےکامیاب فلائٹ ٹیسٹ کا مشاہدہ کیا۔
ڈائریکٹر جنرل اسٹریٹجک پلانز ڈویژن نے سائنس دانوں اور انجینئروں کی تکنیکی صلاحیت ، لگن اور عزم کی تعریف کی جنہوں نے ہتھیاروں کے نظام کی نشوونما اور اس لانچ کو کامیاب بنانے میں تندہی سے کام کیا۔ انہوں نے اسے “پاکستان کی صلاحیتوں کی تکمیل کی سمت ایک بڑا قدم” بھی قرار دیا۔
صدر ، وزیر اعظم پاکستان ، چیئرمین جوائنٹ چیفس آف اسٹاف کمیٹی اور سروسز چیفس نے سائنسدانوں اور انجینئرز کو میزائل تجربے کے کامیاب انعقاد پر مبارکباد دی ہے
وی این ایس ، راولپنڈی
