سکھر، 25مارچ(اے پی پی): حکومت کی جانب سے کرونا وائرس کی روک تھام کے لیے اعلان کردہ لاک ڈاﺅن پر تیسرے روز بھی سکھر میں بھرپور عملدرآمد دیکھنے میں آرہا ہے شہر کے معروف تجارتی کاروباری مراکز گھنٹہ گھر، شہید گنج، صرافہ بازار ،ریس کورس روڈ، شکارپور روڈ، کپڑامارکیٹ، موبائل مارکیٹ، ودیگر بند ہیں۔
بازاروں و تجارتی مراکز میں ویرانی کا ڈیرہ ہے جبکہ اشیائے ضروریہ مرغی، مچھلی، گوشت اور سبزی کی مارکیٹیں، دودھ، دہی کی دکانیں، کریانہ اسٹور اور میڈیکل اسٹور کھلے ہیں اور ہوٹل، ریسٹورنٹس اور سرکاری دفاتر کو تالے لگے ہوئے ہیں۔ سڑکوں پر بھی ٹریفک نہ ہونے کے برابر ہے جبکہ پولیس، رینجرز، اور دیگر قانون نافذ کرنے والے اداروں کا شہر بھر میں گشت جاری ہے اور خلاف ورزی کے مرتکب افراد کے خلاف کاروائی کی جارہی ہے۔
اے پی پی /اطہراللہ/حامد
