اسلام آباد،20 مارچ (اے پی پی ): حریت رہنما یاسین ملک کی اہلیہ مشال ملک نے کہا ہے کہ کشمیریوں میں مظالم پر خاموش عالمی برادری کی اکثریت لاک ڈاؤن میں چلی گئی ہے۔ کورونا وائرس کے بعد لاک ڈاؤن صورتحال عالمی برادری کیلئے لمحہ فکریہ ہے۔
جمعہ کو جاری اپنے ویڈیو بیان میں مشال ملک کا کہنا تھا کہ یاسین ملک کو ڈیتھ سیل میں بہیمانہ تشدد کا نشانہ بنایا جا رہا ہے، اتنے بڑے لیڈر اور مرد مجاہد یاسین ملک موت کے منہ میں ہیں۔یاسین ملک نے اپنی وصیت دنیا کیلئے بھجوا دی ہے جس میں انہوں نے واضح کردیا ہے کہ وہ کسی صورت سرنڈر نہیں کریں گے اور نے اپنی موت کے بعد جسمانی اعضاء عطیہ کرنے کی بھی وصیت کی ہے۔
حریت رہنما یاسین ملک کی اہلیہ نے کہا کہ اس دلیرلیڈرنے موت کے بعد اپنا جسم بھی کشمیر قوم کیلئے وقف کردیا ہے،کشمیریوں کی آزادی کیلئے یاسین ملک نے اپنی جوانی اور اپنا خاندان قربان کردیا ہے۔کسی بھی جدوجہد آزادی میں اتنا زیادہ ظلم و جبر نہیں ہوا ہوگا۔ انہوں نے کہا کہ ایک یاسین ملک کو شہید کیا گیا تودنیا بھرسےکروڑوں یاسین ملک نکلیں گے۔
مشال ملک نے مزید کہا کہ دنیا کئی مہینوں سےلاک ڈاؤن میں ظلم کاشکارکشمیریوں کاساتھ کیوں نہیں دے رہی۔ انہوں نے اپیل کی کہ دنیا موجودہ صورتحال میں ہوش کے ناخن لے اور انسانیت کیلئے آواز اٹھائے۔
وی این ایس ، اسلام آباد
