پشاور، 9اپریل(اے پی پی): پشاور کے حلقہ پی کے 77، یونین کونسل خالصہ ون میں کورونا وائرس کے متاثرہ شخص کی تصدیق ہوتے ہی معاون خصوصی برائے بلدیات کامران بنگش دیگر اعلیٰ حکام سمیت متاثرہ شخص کے گھر پہنچ گئے۔
متاثرہ شخص کے بارے تفصیلات دیتے ہوئے کامران بنگش نے بتایا کہ نوشہرہ سے تعلق رکھنے والے سہیل نامی شخص میں کورونا وائرس کی تشخیص ہونے کے بعد میونسپل انتظامیہ، ڈبلیو ایس ایس پی اور ہیلتھ حکام بھی متاثرہ شخص کے گھر پہنچ گئے ہیں اور تمام مشتبہ پوائنٹس پر کورونا مار اسپرے کر رہے ہیں جبکہ متاثرہ شخص کے گھر کو قرنطینہ میں تبدیل کر دیا گیا ہے۔
کامران بنگش نے مزید بتایا کہ اردگرد 150 افراد کو انتظامیہ نے قرنطین کر دیا ہے اور متاثرہ شخص کے گھر والوں کو تمام طبی سہولیات دی جا رہی ہیں۔
حلقے پی کے 77 سے منتخب ہونیوالے کامران بنگش نے اپنے حلقے کی عوام سے اپیل کرتے ہوئے کہا کہ پولیس نے متعلقہ علاقہ مکمل لاک ڈاؤن کر دیا ہے اسلئے عوام گھر پر رہیں اور میل جول سے گریز کریں۔
اے پی پی /صائمہ حیات /حامد
