اسلام آباد جون 3 (اے پی پی)؛سینٹرل ڈیویلپمنٹ ورکنگ پارٹی کا اجلاس بدھ کے روز ڈپٹی چیئرمین پلاننگ کمیشن جہانزیب خان کی زیرِ صدارت اسلام آباد میں منعقد ہوا۔اجلاس میں تقریباً 24 ارب روپے کی مالیت کے سات منصوبوں کی منظوری دی گئی جبکہ 11۰35 ارب روپے کا ایک منصوبہ حتمی منظورِ ی کیلئے ایکنک کو بھجوا دیا گیا۔
توانائی، ماحول، گورننس اور انفارمیشن ٹیکنالوجی سے متعلق منصوبے اجلاس میں منظور ی کیلئے پیش کیے گئے۔توانائی سے متعلق تین منصوبے پیش کیے گئے۔ جڑانوالہ روڈ گریڈ اسٹیشن کو زائد سپلائی کے 5۰7 ارب سے زائد کے منصوبے، ضلع نیلم، آزاد کشمیر 30۰4 میگا واٹ جگران-1 ہائیڈرو پاور پراجیکٹ کے 4۰3 ارب سے زائد کے منصوبے، اور کراچی لیبارٹریز کمپلیکس کی استعداد بڑھانے اور آئی ایس او سرٹیفیکیشن کیلئے 44 کروڑ روپے کے منصوبے کی اجلاس میں منظوری جبکہ ماحول سے متعلق سکھر میں موسمیاتی ریڈار کی تنصیب کیلئے 2۰5 ارب روپے کے منصوبے کی منظور ی دے دی گئی
گورننس سے متعلق پاکستان سنگل ونڈو نامی 11 ارب سے زائد لاگت کا منصوبہ منظور ی کیلئے ایکنک کو بھجوانے کی منظوری دی گئی۔ منصوبے کا بنیادی مقصد تجارت میں سہولت فراہم کرنا، ریگولیٹری عمل کو آسان اور موثر بنانا اور بارڈر پار تجارت کو آسان اور موثر بنانا ہے۔انفارمیشن ٹیکنالوجی سے متعلق ورچوئل ایجوکیشنل کا 6 ارب کی لاگت کا منصوبہ منظور کیا گیا۔ جبکہ وزارت امور کشمیر اور گلگت بلتستان کا 3۰6 ارب کا منصوبہ جس کا مقصد لائن آف کنٹرول کے ساتھ رہنے والی آبادی کی بحالی ہے، کو منظور کر لیا گیا۔وزارت موسمیاتی تبدیلی کا پانی کی کوالٹی بہتر کرنے کا ایک منصوبہ جس کی لاگت 1۰2 ارب ہے، منظور کر لیا گیا۔
سیکرٹری پلاننگ ظفر حسن، اور وزارت منصوبہ بندی کے اعلٰی حکام، مختلف وزارتوں کے حکام اور صوبائی حکومتوں کے نمائندگان نے ویڈیو لنک کے ذریعے شرکت کی۔
