اسلام آباد، 27جولائی (اے پی پی): اسپیکر قومی اسمبلی اسد قیصر سے گورنر پنجاب چوہدری محمد سرور کی ملاقات ۔ملاقات میں ملک کی مجموعی سیاسی اور معاشی صورتحال اور باہمی دلچسپی کے دیگر امور پر تبادلہ خیال کیا گیا ۔
گورنر پنجاب نے اسپیکر کو صوبہ میں جاری ترقیاتی کاموں کی تفصیلات سے آگاہ کیا کہ موجودہ صوبائی حکومت عوامی اہمیت کے حامل منصوبوں خصوصاً زراعت کے شعبے کی ترقی کےلیے ترجیحی بنیادوں پر اقدامات اٹھا رہی ہے ۔
اسپیکر قومی اسمبلی نےصوبے میں موجودہ حکومت کی طرف سے عوامی فلاح وبہبود کے لیے جاری اقدامات کوقابل ستائش قرار دیا اور کہا کہ زراعت کا شعبہ ملکی معیشت میں ریڑھ کی ہڈی کی حیثیت رکھتا ہے، اس شعبے کی ترقی کے لیے حکومتی سرپرستی ضروری ہے جبکہ زراعت کے شعبے کو درپیش مسائل کے تدارک کے لیے ملکی تاریخ میں پہلی بار خصوصی کمیٹی قائم کی گئی کمیٹی تمام سٹیک ہولڈرز کی مشاورت سے ملک میں زراعت کی ترقی کے لیے اپنی سفارشات مرتب کر رہی ہے ، انہوں نے مزید کہا کہ صوبوں اور وفاق میں ہم آہنگی ملکی ترقی اور عوامی فلاح و بہبود کے لیے ضروری ہے،اس کے ساتھ ساتھ جنوبی پنجاب سیکرٹریٹ کا قیام خوش آئند ہے ، جنوبی پنجاب سیکرٹریٹ کے قیام سے عوامی مسائل حل ہونگے اور ترقیاتی سرگرمیوں میں تیزی آئے گی،
گورنر پنجاب چوہدری محمد سرور کا ایوان کا ماحول پر امن اور خوشگوار رکھنے کے لیے اسپیکر قومی اسمبلی کے کردار کو سراہا۔
وی این ایس اسلام آباد
