اسلام آباد،31 اگست (اے پی پی ): مسلسل بارشوں کے بعد راول ڈیم پانی سے بھر گیا۔ ڈپٹی کمشنر حمزہ شفقات نے کہا کہ راول ڈیم میں پانی کی گنجائش 1752 فٹ ہے۔ راول ڈیم میں پانی 1751.90 فٹ تک پہنچ چکا ہے۔
حمزہ شفقات نے کہا کہ مزید بارشوں کے پیش نظر پیر کودن 11 بجے راول ڈیم کے سپل ویز کھول دیئے گئے ہیں۔تاہم سپل ویز 5۔1 فٹ کھول کر 6 ہزار فٹ کیوسک پانی ڈیم سے خارج کیا جائے گا۔
ڈپٹی کمشنر نے کہا کہ نشیبی علاقوں کے رہائشیوں اور راولپنڈی انتظامیہ کو سپل ویز کھولنے کی پیشگی اطلاع دے دی گئی ہے۔ شہریوں سے گزارش ہے اگلے کچھ دنوں تک ندی نالوں کے قریب جانے سے گریز کریں
