ملتان، 22اکتوبر)اے پی پی ): ولادتِ رسول حضرت محمدؐ شایان شان طریقے سے منانے کے لئے تیاریوں کو حتمی شکل دے دی گئی۔
ڈپٹی کمشنر عامر خٹک کی صدارت میں ضلعی امن کمیٹی کا اجلاس ہوا اے ڈی سی جی قمرالزمان قیصرانی،ایس پی سٹی جاوید خان، سی ٹی او ظفر بزدار اور اے سیز نے شرکت کی۔
ڈپٹی کمشنر عامر خٹک نے کہا کہ آقائے دو جہاں کے یوم ولادت پر انتظامات کو خود مانیٹر کر رہا ہوں انتظامیہ نے ربیع الاول کے انتظامات کے حوالے سے متعدد اجلاس منعقد کر کے نئی روایات قائم کی گئی ہیں اور کہا کہ انتظامات کے حوالے سے انتظامیہ اور پولیس نے ہوم ورک مکمل ہے۔
یوم ولادت کو مکمل عقیدت اور محبت سے منایا جائے گا ،دفعہ 144 کے تحت جلوسوں میں گھڑ دوڑ پر پابندی عائد ہو گی ۔
ڈپٹی کمشنر نے کہا کہ مساجد اور مدارس کے اطراف میں صفائی کے مثالی کئے جائیں گےجلوسوں میں شریک عاشقان رسول کے لئے لنگر اور سبیلوں کا انتظام کیا جائے گا ڈپٹی کمشنر کا واسا حکام جلوسوں کے روٹس پر سیوریج کے تمام مسائل حل کرنیکا ۔
حکم سی ٹی او ظفربزدار نے کہا کہ ٹریفک پولیس نے ٹریفک رواں رکھنے کے لئے متبادل روٹس کا پلان تیار کر لیا ہے۔
ایس پی سٹی جاوید خان نے کہا کہ پولیس ربیع الاول کے جلوسوں کو فول پروف سیکیورٹی فراہم کرے گی ضلعی امن کمیٹی کے ممبران کا امن و امان برقرار رکھنے کے لئے انتظامیہ کو بھرپور تعاون کی یقین دہانی کروائی ۔
اجلاس میں ایم ڈبلیو ایم سی، صحت،واسا، ریسکیو اور دیگر محکموں کے افسران بھی موجود تھے۔
