اوکاڑہ،20نومبر(اے پی پی ): یونیورسٹی آف اوکاڑہ میں نو منتخب اکیڈمک اسٹاف ایسوسی ایشن کی تقریب حلف برداری، وائس چانسلر پروفیسر زکریا ذاکر نے عہدیداران سے حلف لیا۔
حلف برداری کی تقریب میں یونیورسٹی کے تمام اساتذہ اور انتطامی آفیسرز موجود تھے۔ نئے منتخب ہونے والے 18 ممبران نے اوکاڑہ یونیورسٹی کی تعمیر و ترقی میں انتظامیہ کے ساتھ مکمل تعاون کا عزم کیا۔
اس موقع پروائس چانسلر پروفیسر زکریا نے کہا کہ اوکاڑہ یونیورسٹی ملک کا ایک تیزی سے ابھرتا ہوا تعلیمی ادارہ ہے اگر حکومت ترقیاتی گرانٹ دیتی ہے توہ پوری فیکلٹی کے لیے کیمپس میں رہائش گاہیں تعمیر کی جائیں گی۔
اے ایس اے کی ایگزایکٹو کونسل کے ممبران میں ڈاکٹر طاہر خان فاروقی، ڈاکٹر فہیم ارشد، ڈاکٹر غلام مصطفی، ڈاکٹر ریاض حسین، ڈاکٹر شعیب سلیم، ڈاکٹر ثاقب جمیل، فاخرہ شاہد، صوبیا یعقوب اور اقرا خادم شامل تھے۔
جنرل باڈی ڈاکٹر حمود الرحمن، ڈاکٹر نادیہ گیلانی، ڈاکٹر محمد واجد، ڈاکٹر محمد اقبال، نیلوفر شبیر، ڈاکٹر شہزاد فرید، فائق بٹ، رائے امتیاز حسین، ڈاکٹر عثمان علوی اور تنزیل الرحمن پہ مشتمل تھی۔
تقریب کے اختتام پر الیکشن کمیٹی کے ممبران ڈاکٹر خالد سلیم، ڈاکٹر زاہد بلال اور محمد فیصل میں شیلڈز تقسیم کی گئیں جبکہ ایے ایس اے کے صدر ڈاکٹر حمود نے وائس چانسلر کو شیلڈ پیش کی۔
