اسلام آباد،01دسمبر (اے پی پی):صدر مملکت ڈاکٹر عارف علوی نے چین کے وزیر دفاع وی فنگ حا کو نشان امتیاز ملٹری عطا کر دیا ہے ،
معزز مہمان کو منگل کو ایوان صدر میں پروقار تقریب میں اس اعزاز سے نوازا گیا۔تقریب میں وزیر دفاع پر ویز خٹک،وزیراعظم کےمعاون خصوصی برائے قومی سلامتی معید یوسف،چئیر مین جائنٹ چیفس آف اسٹاف کمیٹی جنرل ندیم رضا،تینوں مسلح افواج کے سربراہان سمیت اعلیٰ حکام نے شرکت کی۔
معززمہمان کو دونوں ممالک کے درمیان تعلقات بالخصوص دفاعی شعبہ میں تعاون کو فروغ دینے میں اہم کردار پریہ اعزاز دیا گیاہے۔چین کے وزیر دفاع قبل ازیں اہم دفاعی عہدوں پر فائز رہے،وہ پاکستان کے مخلص اور قریبی دوست ہیں۔انہوں نے پاکستان اور چین کی مسلح افواج کے درمیان دفاعی تعلقات مستحکم کرنے میں اہم کردار ادا کیا ہے۔
