پشاور، 8 دسمبر(اے پی پی): صوبائی وزیر ٹرانسپورٹ شاہ محمد وزیر نے بی آر ٹی کے چوتھے فیڈر روٹ کا افتتاح کر دیا۔
افتتاحی تقریب سے خطاب کرتے ہوئے صوبائی وزیر نے کہا کہ چوتھا فیڈر روٹ ڈبگری گارڈن سے کوہاٹ اڈے تک جائے گا۔ ابتدائی طور پر اس روٹ پر 10 بسیں چلائی جائینگی، جس سے پشاور کے جنوبی حصے اور شہر کے وسط تک آسان رسائی ممکن ہوگی۔
صوبائی وزیر ٹرانسپورٹ نے کہا کہ حیات آباد فیڈر روٹس سے یومیہ 30 ہزار سے زائد مسافر مستفید ہوتے ہیں جن کو شہر کی 7 مرکزی شاہراہوں کے ساتھ منسلک کیا گیا ہے۔ شہریوں کو بہترین سفری سہولت دینا حکومت کی اولین ترجیح ہے جسکے لئے بی آر ٹی شہریوں بالخصوص خواتین اور بچوں کیلئے قابل اعتماد، سستی اور محفوظ ترین سفری سہولت ہے۔
