پشین،07دسمبر( اے پی پی ): نیشنل ووٹرڈے کے موقع پر الیکشن کمیشن پشین کی جانب سے ڈی سی کمپلیکس ہال میں سیمینار انعقاد کیاگیا سیمینار میں ایڈیشنل ڈپٹی کمشنر آمین اللہ ناصر ضلئعی الیکشن کمشنر آفیسر عالیہ نظر پشتونخواملی عوامی پارٹی حاجی اکبر مختلف سیاسی جماعتوں کے کارکنوں سول سوسائٹی کے اراکین اساتذہ سمیت میڈیا نمائندہ گان نے شرکت کی ا س موقع پر مقررین نےخطاب کرتے ہوئے کہاکہ ووٹ کی اہمیت سے آگاہ کرنا وقت کی اہم ضرورت ہے ووٹ کے ذریعے ہم ملکی پالیسیوں اور تعمیر و ترقی میں اپنا کر دار ادا کر سکتے ہیں نوجوانوں اور خواتین میں خصو صی طور پر ووٹ کی اہمیت اجاگر کرنا ضروری ہے ووٹ کا صحیح استعمال معاشرے میں مثبت تبدیلی کیلئے اہم ہے ووٹ ڈالنا ہمارا قومی فریضہ ہےانہوں نے کہاکہ ووٹ جمہوری نظام کے استحکام اور ملکی وسائل کی مساوی تقسیم ومنظم قانون سازی کےلیے کلیدی اہمیت کی حامل ہےجس کےلیے تمام شعبہ بائے زندگی سے تعلق رکھنے والے افراد الیکشن کمیشن کی رجسٹریشن کو کامیاب بنانے میں اپنا بھرپور کردار ادا کریں۔
