ملتان، 25 جنوری(اے پی پی):کمشنر جاوید اختر محمود سے وومن چیمبر آف کامرس کے وفد نے پیر کو یہاں ملاقات کی۔وومن چیمبر آف کامرس وفد کی قیادت صدر نویرا فہد کررہی تھی۔
وفد نے کمشنر ملتان کو چیمبر کے مسائل سے آگاہ کیا، کمشنر نے وفد کو مسائل کے حل کی یقین دہانی کرائی اور کہا کہ کمشنر آفس کے دروازے ہر خاص و عام کیلئے کھلے ہیں، حکومت پنجاب خواتین کی ترقی کیلئے عملی اقدامات کر رہی ہے۔
انہوں نے کہا کہ خواتین کو قومی ترقی کے دھارے میں شامل کرنا ناگزیر ہے، ہوم بیسڈ خواتین کے ہنر کی عالمی مارکیٹ تک رسائی بہت ضروری ہے۔
وومن چیمبر وفد نے کہا کہ فنڈز کی کمی، کرایے کی عمارت اہم مسائل ہیں۔
وفد میں فلزہ ممتاز، نادیہ وسیم،فرح ثاقب موجود تھیں۔
