ملتان، 03 فروری (اے پی پی ): حکومت پنجاب کا شہروں کی اپ گریڈیشن کے بارے میں انقلابی اقدام،شہروں کی اپگریڈیشن فیز2 کیلئے سروے کا آغاز کر دیا گیا ہے ۔فیز2 میں ڈی جی خان، ملتان،بہاولپور،مظفرگڑھ، رحیم یار خان،سرگودھا، راولپنڈی شامل ہیں ۔شہر کی اپ گریڈیشن کیلئے مکمل سروے، ڈیٹا اکٹھا کرنے کا آغاز بھی کیا گیا ہے۔
پنجاب انٹرمیڈیٹ سٹیز امروومنٹ انویسٹمنٹ پروگرام ٹیم کی کمشنر دفتر آمد،اس موقع پر پنجاب انٹرمیڈیٹ سٹیز امروومنٹ انویسٹمنٹ پروگرام ٹیم نے کہا کہ شہر کے ماسٹر پلان کو جدید تقاضوں پر جانچا، حسب ضرورت تبدیل کیا جائے گا۔انہوں نے شہر کی صفائی نکاسی آب اور ٹریفک نظام کی اپ گریڈیشن پروگرام کا حصہ ہے اور نئے پارک بنائے جائیں گے،موجودہ پارکوں کی اپ گریڈیشن شامل ہیں تجاوزات کے مکمل خاتمے ، شہر کی تزین و آرائش کا لائحہ عمل پروگرام میں شامل ہیں فیز1 میں ساہیوال، سیالکوٹ کی اپگریڈیشن پر کام جاری ہے ۔
کمشنر جاوید اختر محمود نے کہا کہ وزیراعلی پنجاب کے اربن ڈویلپمنٹ وژن کے تحت فیز 2 کا آغاز کیا جارہا ہے،پروگرام اربن ڈویلپمنٹ کے شعبے میں گیم چینجر ثابت ہوگا۔جاوید اختر محمود نے کہا لوگوں کا معیار زندگی بلند ہوگا،ماحولیاتی توازن کو بہتر کرنے میں معاون ثابت ہوگا اور کہا عوامی سہولیات، ضروریات کو مدنظر رکھ کر مکمل ریسرچ کی جائے گی ڈائیریکٹر ڈویلپمنٹ وقاص خاکوانی بھی موجود تھے اور
ایم ڈی اے،ویسٹ مینجمنٹ کمپنی، واسا، پی ایچ اےافسران بھی موجود تھے دیگر ترقیاتی محکموں کے افسران نے بھی شرکت کی۔
