پشین،09 مارچ (اے پی پی ): ڈپٹی کمشنر قائم لاشاری نے کہاکہ حکومت بلوچستان محکمہ سیکنڈری تعلیم نے صوبے میں تعلیم عام کرنے کےلیے متعدد اقدامات اٹھائیں ہیں۔ تعلیم کے بغیر کوئی قوم ترقی کی منازل طے نہیں کرسکتی ،تعلیم ہی قوموں کی خوشحالی ترقی کی ضامن ہے ۔
ان خیالات کا اظہار انہوں نے ڈپٹی کمشنر کمپلیکس میں داخلہ مہم کے حوالے سے پریس کانفرنس سے خطاب کرتے ہوئے کیا ۔
انہوں نے کہاکہ علم کےزیور سے ہمارےمعاشرے کی نئی نسل کو آراستہ کرنا سب سےاچھا اقدام ہے بچے مستقبل کے معمار ہے ۔ رواں سال داخلہ مہم کے دوران ہمارا ہدف 19564 بچوں کو سکول میں داخل کروانا ہے۔انہوں نے کہاکہ اساتذہ کرام محنت سے علم کی روشنی بچوں میں منتقل کریں ۔سکول سے باہر بچوں کیلئے گھر گھر مہم چلایا جائیگا تاکہ کوئی بھی بچہ سکول سے باہر نہ رہے۔
اس موقع پر ڈسٹرکٹ ایجوکیشن آفسر عبدالواسیع کاکڑ ،اسماعیل جلازئی ،علی محمد ، نور محمد اور دیگر ایجوکیشن آفیسران بھی موجود تھے۔
