ہندوستان اور کشمیر میں مسلمانوں کے حالات نے ثابت کر دیا ہے کہ پاکستان بنانے کا فیصلہ درست تھا؛ گورنر خیبر پختونخوا شاہ  فرمان 

پشاور،23 مارچ(اے پی پی ): گورنر  خیبر پختونخوا  شاہ  فرمان  نے یوم  پاکستان کے  موقع پر   اپنے    پیغام  میں    پوری  قوم کو  دل کی    گہرائیوں   سے   مبارکباد  دی    اور  کہا  کہ  آج  ہندوستان  میں    مسلمانوں  کے    جو   حالات ہیں    اور  کشمیر میں  مسلمانوں کے  ساتھ جو  کچھ   ہو  رہا ہے   وہ  یہ  ثابت  کرتا ہے   کہ  23 مارچ 1940 کو  پاکستان   بنانے  کا   جو   فیصلہ کیا   گیا    تھا  وہ  درست    تھا ۔ انہوں  نے  کہا کہ    میں   پوری  قوم  سے  یہ  گزارش  کرتا ہوں کے   23 مارچ   کو  اپنے    گھروں  کے  اوپر   پاکستان   کا  جھنڈا لگا کر   اپنے  اکابرین کا  شکریہ  ادا کریں  کہ  جنہوں   نے   پاکستان  بنانے کا فیصلہ  لیا  تھا۔