اوکاڑہ،18اپریل(اے پی پی ):موجودہ ملکی حالات، لاء اینڈ آرڈرکی صورت حال اور رمضان المبارک کے تناظر میں ڈسٹرکٹ پولیس آفیسر فیصل شہزاد کی ہدایت پر ڈی ایس پی صدر اور ڈی ایس پی سٹی کی زیر قیادت پولیس کا فلیگ مارچ کیا گیا۔فلیگ مارچ میں ضلعی پولیس سمیت ،ڈولفن فورس، ایلیٹ پولیس، ٹریفک پولیس اور ریسکیو 1122 نےحصہ لیا۔فلیگ مارچ تھانہ صدر سے شروع ہو کر بے نظیر روڑ ، تحصیل روڑ، محبوب عالم چوک سمیت شہر کے مختلف علاقوں سے گزرتا ہوا ٹینک چوک پر اختتام پزیر ہوا۔
ترجمان پولیس کے مطابق فلیگ مارچ کا مقصدامن و امان کا قیام اولین ترجیح ہے ، بدامنی کے مرتکب افراد کے خلاف قانونی کارروائی عمل میں لائی جائے گی،رمضان المبارک کے حوالے سے ترتیب دیئے گئے سیکیورٹی پلان پر سختی سے عمل درآمد کرایا جارہا ہے۔
