لاہور، 12 اپریل(اے پی پی): وزیراعلیٰ پنجاب سردار عثمان بزدارسے وفاقی وزیرداخلہ شیخ رشید احمد کی آج ملاقات ہوئی، ملاقات میں باہمی دلچسپی اور سیاسی امور اور صوبے میں امن و امان کی عمومی صورتحال پرگفتگو ہوئی اور راولپنڈی کے ترقیاتی منصوبوں ساتھ نالہ لئی ایکسپریس وے پراجیکٹ پر تیز ترین پیشرفت کے امکانات کا بھی جائزہ لیا گیا۔
وزیراعلیٰ پنجاب نے کہا کہ راولپنڈی کے شہریوں کے لئے نالہ لئی ایکسپریس وے پراجیکٹ گیم چینجر ثابت ہو گا، ٹریفک کے اژدھام میں کمی آئے گی، راولپنڈی کے شہریوں کو نالہ لئی ایکسپریس وے پراجیکٹ کا تحفہ ضرور دیں گے –
انہوں نے کہا کہ راولپنڈی کے دیگر ترقیاتی منصوبوں کو جلد ازجلد پایہ تکمیل تک پہنچا نے کے لئے بھی کوشاں ہیں –
وفاقی وزیر داخلہ شیخ رشید احمد نے کہا کہ کورونا سے بچاؤ کے لئے حکومت پنجاب قابل قدر کاوشیں کر رہی ہیں ، عوام کی فلاح و بہبود کے لئے بزدار حکومت کے اقدامات قابل تحسین ہیں ۔
وزیراعلیٰ عثمان بزدار نے وفاقی وزیرشیخ رشید احمد کو کورونا سے بچاؤ کے لئے حکومتی اقدامات سے آگاہ کیا
