ملتان، 29اپریل(اے پی پی): کورونا ایس او پیز کی خلاف ورزی کرنیوالوں کےخلاف ضلعی انتظامیہ، پولیس اور رینجرز کی مشترکہ کارروائیاں جاری ہیں، جس دوران 7 افراد موقع پرگرفتارجبکہ 9 کے خلاف مقدمات درج کرلئے گئے ہیں، کورونا ایس او پیز فالو نہ کرنے پر17کاروباری مراکز اور2ریسٹورنٹ سیل کر دیئے گئے ہیں اور مسافروں کو ماسک کی پابندی نہ کرانے پر11 بسوں کو چالان کردیا گیا ہے۔
کورونا ایس او پیز پر عملدرآمد کرانے کیلئے قانون نافذ کرنے والے اداروں نے ملتان ریلوے اسٹیشن پر بھی گشت شروع کردیاہے،کورونا ایس او پیز کی خلاف ورزی کرنیوالوں کومجموعی طور 1لاکھ76ہزار روپے جرمانے کئے گئے ہیں۔
کورونا ایس او پیز پر عملدرآمد موثر بنانے کے لئے سپیشل مجسٹریٹس کی تعداد میں اضافے کا فیصلہ بھی کیا گیا ہے، افسران کو سپیشل مجسٹریٹس کے اختیارات دینے کے لئے ڈپٹی کمشنر نے ایڈیشل چیف سیکرٹری ہوم پنجاب کو خط لکھ دیا ہے۔
