بہاولنگر؛ضلع بھر میں  عیدالفطر روایتی مذہبی جوش و خروش سے منائی جارہی،   314 مقامات پر نماز عید  ادا کی گئی

بہاولنگر، 13مئی( اے پی پی ):  ملک کے دیگر شہروں کی طرح ضلع بہاولنگر میں بھی عیدالفطر روایتی مذہبی جوش و خروش سے منائی جارہی ہے، ضلع بھر میں  314 مقامات پر نماز عید پرامن طور پر ادا کردی گئی ، نماز عید اجتماعات میں لاکھوں فرزندان توحید نے  شرکت کی، بڑے اجتماع مرکزی جامع العلوم عید گاہ اور جامعہ رضائے مصطفے عید گاہ میں منقعد ہوئے۔

 اجتماعات میں کورونا وباء کے خاتمے ، فلسطین اور کشمیریوں کے لیے خصوصی  دعائیں مانگی گئیں، عید نماز اجتماعات کےلئے سیکیورٹی کے فول پروف انتظامات کئے گئے تھے،  1400 سے زائد سیکورٹی اہلکاروں نے فرائض سرانجام دئیے۔