خوشاب، 23مئی(اے پی پی):چھٹے سالانہ عالمی ہفتہ روڈ سیفٹی کے سلسلہ میں ڈسٹرکٹ ٹریفک پولیس آفسیر نیلو فر حیات کی نگرانی میں ٹریفک ایجوکیشن ونگ کی طرف سے کٹھہ چوک ، پرانا لاری اڈا، نیو لاری اڈا میں ڈرائیور حضرات کو ٹریفک قوانین کی پاسداری کرنے اور روڈ پر پیدل چلنے والوں موٹر سائیکل سواروں کو احتیاطی تدابیر اختیار کرنے اور روڈ پر محفوظ اور خوش گوار سفر کرنے کی اہمیت کے بارے میں لیکچر دیا۔
اس موقع پر سب انسپکٹر انچارج ایجوکیشن ونگ مہر رفیق احمد نے ہیلمنٹ اور سائیڈ مررکے استمعال کے فوائد پر روشنی ڈالی۔
آخر میں عالمی ہفتہ روڈ سیفٹی کی اہمیت کو اجاگر کرنے کے لیے پرانا لاری اڈا خوشاب سے فوارہ چوک تک واک کی گئی جس میں ٹریفک پولیس شہریوں کی بڑی تعداد نے شرکت کی، واک پرانا لاری اڈا سے شروع ہو کر فوارہ چوک پر اختیام پزیر ھوئی۔
