اوکاڑہ۔01 مئی(اے پی پی ): ڈائریکٹر ایگریکلچر E&Mپنجاب نئیر جلال نے کہا ہے کہ پنجاب حکومت کی ہدایات کے مطابق ماہ رمضان میں عوام کو ریلیف دینے کے لئے مارکیٹ کمیٹی اوکاڑہ کے زیراہتمام ضیاء شہید لائبریری احاطہ میں ایگریکلچر فیئر پرائس شاپ کے قیام نےسستارمضان بازار کے مقصد کی تکمیل کردی اورضلع اوکاڑہ میں اس کاشمار نمبر ون میں کیا جاتاہے۔ان خیالات کا اظہار انہوں نے سستا رمضان بازار کے اچانک دورہ کے دوران کیا۔اس موقع پراسسٹنٹ کمشنر احمد سعیدمنج،فوکل پرسن رمضان بازار کاظم علی شاہ،انچارج رمضان بازار تنویرحیدر،
ای اے ڈی اے محمد ثاقب اور سیکریٹری مارکیٹ کمیٹی اکبرخان بھی موجود تھے۔اسپیشل سیکریٹری ایگریکلچر اکنامکس اینڈ مارکیٹنگ پنجاب وقارالحسن اور ڈائریکٹر ایگریکلچر E&Mپنجاب نئیر جلال نےرمضان بازاردورہ کے دوران صارفین سے اشیائے خوردونوش کے معیار اور قیمتوں بارے دریافت کیا اور مختلف سٹالز پر اشیاء کا معیار، ناپ تول کے پیمانے بھی چیک کئے اور اطمینان کااظہار کیا۔انہوں نے مزید کہا کہ ایگریکلچر فئیر پرائس شاپس میں مقرر کردہ عملہ رمضان المبارک کے مقدس مہینے میں عوام کو بہترین سروسز فراہم کرنے کیلئے کوشاں ہے۔
