اسلام آباد،03مئی(اے پی پی):وفاقی وزیر اطلاعات و نشریات چوہدری فواد حسین نے کہا کہ صحافیوں اور میڈیا ورکرز کی فلاح و بہبود ہماری اولین ترجیح ہے، نیا پاکستان ہاﺅسنگ کے تحت پہلے مرحلے میں اسلام آباد ریجن کے 600 صحافیوں کے لئے گھر مختص کئے جائیں گے۔
ان خیالات کا اظہار وفاقی وزیر اطلاعات و نشریات چوہدری فواد حسین نے چیئرمین نیا پاکستان ہاﺅسنگ ڈویلپمنٹ اتھارٹی لیفٹیننٹ جنرل (ر) انور علی حیدر سے ملاقات میں کیا۔ انکے ہمراہ وزیر مملکت برائے اطلاعات فرخ حبیب بھی موجود تھے، ملاقات میں صحافیوں کو وزیراعظم ہاﺅسنگ منصوبہ میں شامل کرنے کے حوالے سے امور زیر بحث آئے۔
وفاقی وزیر اطلاعات و نشریات چوہدری فواد حسین نے کہا کہ صحافیوں اور میڈیا ورکرز کی فلاح و بہبود ہماری اولین ترجیح ہے، پروگرام کے پہلے مرحلے میں اسلام آباد ریجن کے 600 صحافیوں کے لئے گھر مختص کئے جائیں گے جبکہ بعد ازاں اس پروگرام کا دائرہ کار کراچی، لاہور، فیصل آباد ، گوجرانوالہ اور پرپشاور اور کوئٹہ تک بڑھایا جائے گا۔
