اسلام آباد، 19مئی(اے پی پی):وزیراعظم عمران خان سے سپیکر قومی اسمبلی اسد قیصر نے بدھ کو یہاں ملاقات کی ہے، ملاقات میں قانون سازی سے متعلقہ امور اور آئندہ بجٹ اجلاس کے حوالے سے گفتگو کی گئی۔
سپیکر قومی اسمبلی نے وزیر اعظم کو ای سی او ممالک کی پارلیمانی اسمبلی کی کانفرنس کے پاکستان میں انعقاد پر آگاہ کیا۔انہوں نے کہا کہ ای سی او ممالک کی پارلیمانی اسمبلی کی کانفرنس کی میزبانی پاکستان کر رہا ہے جس میں ای سی او ممبر ممالک کی پارلیمان کے سپیکر حضرات شرکت کریں گے۔ سپیکر قومی اسمبلی نے وزیر اعظم کو کانفرنس میں بطور مہمان خصوصی شرکت کی بھی دعوت دی۔
