اسلام آباد۔2مئی (اے پی پی):وزیراعظم عمران خان نے ا سلام آباد میں بغیر سیکیورٹی اور پروٹوکول کے مختلف مقامات کا اچانک دورہ کرکے وفاقی دارالحکومت میں کاروباری سرگرمیوں ، ترقیاتی کاموں اور کرونا ایس او پیز پر عملدرآمد کا جائزہ لیا۔ وزیر اعظم نے ریڑھی بانوں اور ٹھیلے والوں سے ملاقات کرکے انکے حالات دریافت کیے،شہریوں نے وزیراعظم کو اچانک اپنے درمیان پاکر خوشگوار حیرت کا اظہار کیا۔اتوار وزیراعظم عمران خان بغیر پروٹوکول گاڑی خود ڈرائیور کرکے جی الیون مرکز کا دورہ کیا ۓ جہاں انہوں نے ریڑھی اور ٹھیلے لگانے والوں سے انکے حالات معلوم کیے، ٹھیلے والوں نے احساس پروگرام کے تحت جگہ فراہم کرنے پر وزیراعظم عمران خان کا شکریہ ادا کیا اور کہا کہ آپ پہلے وزیراعظم ہیں جنہیں عام مزدور اور دیہاڑی دار طبقے کا احساس کیا، ٹھیلے کیلئے جگہ فراہم کرنے پر حکومت کا شکریہ ادا کرتے ہیں، وزیراعظم عمران خان نے کورونا ایس او پیز پر عملدرآمد کی تاکید کی اور کہا کہ سب ماسک کا استعمال لازمی کریں اور کاروبار کیساتھ ساتھ خود کو اس وبا سے بھی بچائیں، وزیراعظم نے اشیاۓ ضروریہ کی قیمتوں کا بھی جائزہ لیا، شہریوں نے وزیراعظم کو اچانک اپنے درمیان پاکر خوشگوار حیرت کا اظہار کیا، وزیراعظم خود گاڑی ڈرائیو کرتے اور عام شہری کی طرح راستے میں سگنلز پر رکتے ہوئے آئ نائن بھی گئے ۓ جہاں انہوں نے سیوریج ٹریٹمنٹ پلانٹ کا بھی معائنہ کیا، وزیراعظم نے زیر تعمیر کرکٹ گراؤنڈ ،نالوں کی پختگی کے کام، شجر کاری اور روڈ کارپٹنگ کا بھی معائنہ کیا، چئیر مین سی ڈی اے عامر احمد علی اور سینیٹر فیصل جاوید بھی وزیراعظم کے ہمراہ تھے۔
