لاہور 31، مئی (اے پی پی)صوبہ پنجاب میں عوامی فلاح و بہبود کے دائرۂ کار کو بڑھانے کے لئے وزیر اعلی سردار عثمان بزدار نے خدمت ایپلی کیشن کا افتتاح کر دیا جسے پلے سٹور سے ڈاؤن لوڈ کر کے ہر کوئی استفادہ کر سکتا ہے عوام کی شکایات کے لئے ڈیش بورڈ بھی تیار کر لیا گیاوزیر اعلی آفس میں منعقدہ افتتاحی تقریب سےخطاب کرتے ہوئے عثمان بزدار نے کہا کہ خدمت آپ کی دہلیز پر نامی اس پروگرام کے کے ذریعے عوامی خدمت کے عمل کو مذید مؤثر بنایاجائےگا اور گورننس کے اس منفرد ماڈل سےنچلی سطح تک سروس ڈلیوری میں بھی بہتری آئے گی ڈیش بورڈ پر درج شکایات کے فوری ازالے کے لئے اقدامات سے کسی بھی ضلع یاڈویژن کی انتظامیہ کی کارکردگی کا تعین کیا جائے گا عوامی خدمت کےاس پروگرام کو مؤثر بنانے کے لئے سول سوسائٹی کے مقامی افراد اور ٹائیگر فورس کو بھی شامل کیا جائے گاانھوں نے کہا کہ عوام کی خدمت پی ٹی آئی کے منشور کا بنیادی جزو اور پنجاب حکومت کا نصب العین ہے عوام کے مسائل کا فوری ادراک اور حل کسی بھی فلاحی ریاست کا اولین فریضہ ہے اور حکومت اپنےاس فرض سے قطعی غافل نہیں حکومت عوام کی خدمت کے عزم کو پورا کرنے کے لئیے تمام سروسز کو عوام کی دہلیز پر لے جارہی ہے قبل ازیں چیف سیکرٹری ایڈیشنل چیف سیکرٹری،کمشنر لاہور ڈویژن اور سیکرٹری بلدیات سیکرٹری اطلاعات اور دیگر متعلقہ حکام نے وزیراعلیٰ عثمان بزدار کو ”خدمت آپ کی دہلیز پر“ پروگرام کے اہم خد و خال کے بارے میں بریفنگ دیتے ہوئے بتایا کہ ”خدمت آپ کی دہلیز پر“ عوام کی خدمت کیلئے شاندار پروگرام ہے اس پروگرام سےعوام کو ان کی دہلیز پر بنیادی سہولتیں ملیں گی اورصوبے کی عوام کا فائدہ ہوگا تفصیلات کے مطابق ’’خدمت آپ کی دہلیز پر“ پروگرام ابتدائی طورپر3 ہفتوں پر مشتمل ہوگاپہلے ہفتے میں گلیوں، بازاروں اورمحلوں کو صاف کیا جائے گا سڑکوں کے کناروں سے تعمیراتی مٹیریل اٹھایا جائے گادرختوں اور کھمبوں سے لٹکے ہوئے بینرز اور وال چاکنگ ختم کی جائے گی خراب سٹریٹ لائٹس کو ٹھیک کیاجائے گادوسرے ہفتے میں فراہمی و نکاسی آب کی سہولتوں میں بہتری لانے پر توجہ دی جائے گی سیوریج پائپ صاف کئے جائیں گے او رکھلے مین ہول پر ڈھکن نصب کئے جائیں گےتیسرے ہفتے میں سرکاری دفاتر، سکولوں اوردیگر عمارتوں پر رنگ وروغن اور صفائی ہوگی پارکس،گرین بیلٹس، راؤنڈ اباؤٹ اور چوکوں کی بیوٹیفکیشن پر توجہ دی جائے گی دیہی اور بنیادی مراکز صحت کو صاف ستھرا کیا جائے گا اور مذید فعال بنایا جائے گا ایپ کے ذریعے فیلڈ سرگرمیوں مانیٹرنگ کی جائے گی اور براہ راست عوام سے فیڈ بیک بھی لی جائے گی۔
