کوئٹہ24مئی(اے پی پی پی ) وزیراعلی بلوچستان جام کمال خان سے مستونگ سے تعلق رکھنے والے بین الاقوامی شہرت یافتہ پاور بلڈرز غلام فاروق باروزئی، عزیر فاروق باروزئی اور معذور رکشہ ڈرائیور نادر شاہ نے ملاقات کی- اس موقع پر وزیراعلی بلوچستان جام کمال خان نے کہا کہ حکومت کھیلوں کے فروغ اور باصلاحیت نوجوانوں کی سرپرستی کو یقینی بنارہی ہے اور بلوچستان میں مختلف کھیلوں کے باصلاحیت کھلاڑیوں کی کمی نہیں ہے بلوچستان حکومت اسپورٹس اور کلچر کے فروغ کے لیے موثر اقدامات کر رہے ہیں اور پاکستان اور بلوچستان کا نام روشن کرنے والے نوجوانوں کو ہر لحاظ سے سپورٹ کریں گے وزیراعلی نے ینگ پاور بلڈر عزیر فاروق باروزئی کو کھیل کے ساتھ ساتھ تعلیم جاری رکھنے کی تلقین کی وزیراعلی نے معذور رکشہ ڈرائیور نادر شاہ کی جانب سے کوئٹہ شہر میں خصوصی افراد کو مفت رکشہ سروس کی فراہمی کے اقدام کو سراہا – اس موقع پر وزیراعلی نے پاور بلڈرز غلام فاروق باروزئی، عزیر فاروق باروزئی اور معذور رکشہ ڈرائیور نادر شاہ کو نقد انعامات بھی دیئے۔
