لاہور،24 مئی(اے پی پی):وزیر قانون پنجاب راجہ بشارت کی زیر صدارت سول سیکرٹریٹ میں کابینہ کمیٹی قانون کا 60واں اجلاس ہوا ۔اجلاس میں پنجاب فیکٹریز ایکٹ 2019ء کا ترمیمی مسودہ منظور اور بہاولپور ویسٹ مینجمنٹ کمپنی کے بورڈ کی خالی نشست پرلاہور کی بجائے بہاولپور ڈویژن کے رہائشی کو نامزد کرنے کی ہدایت کی گئی ۔
اجلاس میں پنجاب ہوٹل اینڈ ریسٹورنٹ رولز 2021 اور پنجاب ٹورسٹ گائیڈ رولز 2021 کا مسودہ پنجاب ٹریول ایجنسیز رولز 2021ء کا مسودہ منظور کیا گیا ۔پنجاب ہوٹلز اینڈ ریسٹورنٹس ایکٹ 1976 کے تحت ہوٹل یا ریسٹورنٹ کو سیل کرنے کا اختیار ڈپٹی کمشنر اور اسسٹنٹ کمشنر کو بھی دینے کی تجویز موخر پےمنٹ آف ویجز ایکٹ 2020ء میں ورکرز کو اجرت کی ادائیگی بذریعہ چیک سمیت متعدد ترامیم کی تجویز بھی موخر محکمہ داخلہ کی جانب سے پتنگ بازی کی روک تھام کیلئے پیش کردہ سفارشات موخرکر دی گئی۔
اجلاس میں وفاقی رینیوایبل اینرجی پالیسی 2020 کی منظوری کے بعد پنجاب رینیوایبل انرجی پورٹ فولیو کا مسودہ موخر قائد اعظم تھرمل پاور کی اراضی گروی رکھنے کی تجویز بھی موخر کر دی گئی ۔
اجلاس میں سیکریٹری قانون، سیکرٹری ریگولیشن، سیکریٹری لوکل گورنمنٹ، سیکریٹری ٹورازم و دیگر افسران نے شرکت کی ۔
