اسلام آباد،2جون (اے پی پی): سینیٹ کی قائمہ کمیٹی برائے قانون و انصاف کے چیئرپرسن کے انتخاب کیلئے سینیٹ کی خصوصی کمیٹی کا اجلاس بدھ کو پارلیمنٹ ہاؤس میں ہوا۔ کمیٹی کے چیئر پرسن کا انتخاب سینیٹ کے ضابطہ اخلاق اور ہاوس کے کارروائی کے قواعد 184 (1) 2021 کے تحت رائے شماری سے کیاگیا۔ سینیٹر سید علی ظفر سینیٹ کی قائمہ کمیٹی برائے قانون و انصاف کے متفقہ طور پر چیئرمین منتخب ہوئے۔ کمیٹی کی چیئرمین شپ کیلئے سینیٹر شبلی فراز اور سینیٹر سلیم منڈوی والا نے انکا نام تجویزکیا۔
