اسلام آباد،2جون (اے پی پی): سینیٹ کی قائمہ کمیٹی برائے خارجہ امور کے چیئرپرسن کے انتخاب کیلئے سینیٹ کی خصوصی کمیٹی کا اجلاس بدھ کو پارلیمنٹ ہاؤس میں ہوا۔ کمیٹی کے چیئر پرسن کا انتخاب سینیٹ کے ضابطہ اخلاق اور ہاوس کے کارروائی کے قواعد 184 (1) 2021 کے تحت رائے شماری سے کیاگیا۔ سینیٹر شیریں رحمان متفقہ طور پر سینیٹ کی قائمہ کمیٹی برائے خارجہ امور کی چیئرپرسن منتخب ہوئیں۔ سینیٹر سعدیہ عباسی اور سینیٹر پلوشہ نے شیریں رحمان کا نام تجویز کیا۔
