اسلام آباد،2جون (اے پی پی): سینیٹ کی قائمہ کمیٹی برائے پیٹرولیم کے چیئرپرسن کے انتخاب کیلئے سینیٹ کی خصوصی کمیٹی کا اجلاس بدھ کو پارلیمنٹ ہاؤس میں ہوا۔ کمیٹی کے چیئر پرسن کا انتخاب سینیٹ کے ضابطہ اخلاق اور ہاوس کے کارروائی کے قواعد 184 (1) 2021 کے تحت رائے شماری سے کیاگیا۔ سینیٹر محمد عبدالقادرسینیٹ کی قائمہ کمیٹی برائے پیٹرولیم کے متفقہ طور پر چیئرمین منتخب ہوئے۔ سینیٹرنصیب اللہ بازئی اور سینیٹرفدا محمد نے انکا نام تجویزکیا جس کی سب نے حمایت کی۔
