اسلام آباد،2جون (اے پی پی): سینیٹ کی قائمہ کمیٹی برائے بیرون ملک پاکستانی اور ہیومن ریسورس ڈویلپمنٹ کے چیئرپرسن کے انتخاب کیلئے سینیٹ کی خصوصی کمیٹی کا اجلاس بدھ کو پارلیمنٹ ہاؤس میں ہوا۔ کمیٹی کے چیئر پرسن کا انتخاب سینیٹ کے ضابطہ اخلاق اور ہاوس کے کارروائی کے قواعد 184 (1) 2021 کے تحت رائے شماری سے کیاگیا۔ سینیٹر منظور احمد کاکڑ سینیٹ کی قائمہ کمیٹی برائے بیرون ملک پاکستانی اور ہیومن ریسورس ڈویلپمنٹ کے متفقہ طور پر چیئرمین منتخب ہوئے۔ چیئرمین شپ کیلئے انکا نام سینیٹر خالدہ عطیب اور سینیٹر کیشو بئی نے تجویز کیا اور سب ممبران نے اس کی حمایت کی
