اسلام آباد،14جون (اے پی پی):وزیراعظم عمران خان نے ٹریفک پولیس اہلکار قیصر شکیل کی حوصلہ افزائی کرتے ہوئے انہیں وزیراعظم ہاؤس بلا کر شاباش دی اور فرض شناسی کی عمدہ مثال قائم کرنے پر انعام کا اعلان کیا۔
وزیرِ اعظم عمران خان نے ہیڈ کانسٹیبل قیصر شکیل کو دورانِ ڈیوٹی زخمی ہونے کے باوجود اپنی ذمہ داریاں احسن طریقے سے ادا کرنے پر انہیں وزیرِ اعظم ہاؤس بلا کر شاباش دی۔ قیصر شکیل9 جون کو زخمی ہوئے اور دو دن کے میڈیکل ریسٹ کے بعد11جون کو دوبارہ ڈیوٹی پر واپس آگئے تھے۔ اس حوالے سے وزیراعظم نے کہاکہ قیصر شکیل کی فرض شناسی دیگر سرکاری اہلکاروں کے لئے بھی قابل تقلید مثال ہے ۔
