کوئٹہ، 22 جون (اے پی پی): وزیراعلیٰ بلوچستان جام کمال خان سے چیئرمین کشمیر کمیٹی شہریار خان آفریدی نے وزیراعلیٰ سیکرٹریٹ میں ملاقات کی۔ ملاقات میں باہمی دلچسپی کے امور اور سیاسی صورتحال پر تبادلہ خیال کیا گیا_ چیئرمین کشمیر کمیٹی شہریار خان آفریدی نے کہا کہ وزیراعلیٰ بلوچستان کا نظام میں اصلاحاتی ایجنڈا خوش آئند امر ہے اور وزیراعظم عمران خان بھی ایک خوشحال اور پرامن بلوچستان کے خواہاں ہیں صوبائی حکومت کے ویژن اور قابلیت کے باعث بلوچستان ترقی کے نئے دور میں داخل ہو چکا ہے۔
انہوں نے کہا کہ کے صوبائی حکومت کی عوام دوست اقدامات کے باعث آج کا بلوچستان ماضی سے بہتر ہے اس موقع پر وزیراعلیٰ بلوچستان جام کمال خان نے کہا کہ صوبائی حکومت صوبہ بھر میں یکساں ترقی پر یقین رکھتی ہے وفاقی ترقیاتی پروگرام میں بھی بلوچستان کے لئے بڑے منصوبہ جات شامل کیے گئے ہیں وفاقی ترقیاتی منصوبوں کی تکمیل سے صوبہ ترقی کے ایک نئے دور میں داخل ہوگا اور پہلی دفعہ صوبے میں بڑی شاہراہوں کی تعمیر سے بلوچستان بھر میں خوشحالی کا دور شروع ہوگا اور ہم بلوچستان کے تمام اضلاع میں میں مساوی اور یکساں ترقی کے خواہش مند ہیں۔
شہریار خان آفریدی نے وزیراعلیٰ بلوچستان جام کمال خان کی خدمات کو سراہا۔
