رحیم یار خان،12 جولائی (اے پی پی ):ضلعی انتظامیہ نے حکومت پنجاب کے پروگرام خدمت آپ کی دہلیز پر کے تحت ہفتہ شجر کاری کا آغاز کر دیا ،افتتاحی تقریب کینال پارک نزر اوور ہیڈ برج خانپور اڈا روڈ پر منعقدہ کی گئی
ڈپٹی کمشنر ڈاکٹر خرم شہزاد نے دیگر افسران کے ساتھ پودے لگاکر شجر کاری مہم کا افتتاح کیا۔ ڈپٹی کمشنر ڈاکٹر خرم شہزاد نے کہا کہ ضلع میں ہفتہ شجر کاری کے دوران56ہزار پودے لگائے جائیں گے۔درخت قدرتی ماحول میں خوشگوار تبدیلی کا ذریعہ ہیں،درخت لگانا صدقہ جاریہ اور ہمارا قومی و مذہبی فریضہ ہے،حکومت پنجاب وزیر اعلیٰ سردار عثمان بزدار کی قیادت میں صوبہ کو سرسبز و شاداب بنانے کے لئے پُر عزم ہے،آلودگی سے پاک صاف ماحول کے لئے دوران ضلع بھر میں پھل ، پھول اور سایہ دار پودے لگائے جائیں گے،محکمہ جنگلات شہریوں کو کم نرخوں پر پودے فراہم کرے گا۔
